یوم تاسیس ٹی آر ایس پر بلڈ ڈونیشن کیمپ ، ریاستی وزیر سرینواس گوڑ کا خطاب
نارائن پیٹ۔ یکم مئی ( سیاست ڈسٹرکٹ نیوز) ریاستی وزیر اکسائز و پروہبیشن حکومت تلنگانہ مسٹر سرینواس گوڑ نے آج نارائن پیٹ میں یوم تاسیس ٹی آر ایس کے موقع پر ٹی آر ایس بھون میں خون کے عطیہ کا کیمپ کا افتتاح انجام دیا ۔ جس میں ضلع نارائن پیٹ کے مختلف مقامات سے آئے ہوئے پارٹی کارکنوں نے اپنے خون کا عطیہ دیا ۔ بعد ازاں انہوں نے ایم ایل اے کیمپ آفس کے روبرو حکومت کی جانب سے لاک ڈاؤن سے متاثرہ غریب خاندانوں میں راشن کٹس کی تقسیم کا افتتاح انجام دیا ۔ اس موقع پر رکن اسمبلی نارائن پیٹ مسٹر ایس راجندر ریڈی ، صدرنشین بلدیہ شریمتی اسنویا چندرکانت ، نائب صدر نشین بلدیہ مسٹر ہری نارائن ، صدر نشین زرعی مارکٹ کمیٹی مسٹر صراف ناگراج ، صدرنشین سنگل ونڈو ڈاکٹر کے نرسمہا ریڈی ، صدر منڈل پریشد ، زیڈ پی ٹی سی ، صدر منڈل ٹی آر ایس مسٹر سرینواس گوڑ نے کہا کہ نارائن پیٹ ضلع تاحال کورونا وائرس سے محفوظ ہے ایک کیس بھی اس ضلع میں نہیں پایا گیا ۔ انہوں نے کہا کہ لاک ڈاؤن کی وجہ سے یہاں کے سینکڑوں مزدور بیروزگار ہوگئے ہیں دیگر ریاستوں سے آنے والے مزدور اور خانگی ملازمین نے بھی اپنی روزی سے ہاتھ دھو بیٹھے ہیں ۔ ریاستی حکومت ان لوگوں کو 1500روپئے اور فی کس 12کیلو چاول کی سربراہی کا بیڑا اٹھایا ۔ انہوں نے راشن کٹس تقسیم میں مقامی اہل خیر حضرات اور انجمنوں کا شکریہ ادا کیا ، رکن اسمبلی نے بھی مخاطب کیا ۔