واشنگٹن ، یکم مئی ( سیاست ڈاٹ کام) امریکہ کی فوڈ اینڈ ڈرگ ایڈمنسٹریشن نے امریکی خلائی تحقیقاتی ایجنسی (ناسا) کے سائنسدانوں کی جانب سے کورونا وائرس (کووڈ -19) کے مریضوں کے استعمال کے لئے تیار کئے گئے وینٹی لیٹر کو منظوری دے دی ہے ۔ ناسا کے ایڈمنسٹریٹر جم بریڈن سٹائن نے جمعہ کو یہ اطلاع فراہم کی ۔ انہوں نے کہا‘‘ ایف ڈی اے کی منظوری دینا اس بات کی بہتر مثال ہے کہ حکومت بحران کے وقت میں کیا کر سکتی ہے ۔ یہ اس عمل میں ایک اہم سنگ میل ثابت ہوگا ۔ یہ وینٹی لیٹر ان گنت مثالوں میں سے ایک ہے کہ ٹیکس دہندگان کس طرح سے دہائیوں سے خلا میں مہارت اور علم کے حصول کے لئے اور انسانیت کو پہلا مقام دلانے ، زمین پر زندگی کو بہتر بنانے والی پیش رفت میں تبدیلی لانے کے لئے کی جارہی کوششوں میں سرمایہ کاری کر سکتا ہے ۔
