تہران۔18 مئی (سیاست ڈاٹ کام) ایران کے صدر حسن روحانی نے کہا ہے کہ رمضان المبارک کے بعد ناظرین کے بغیر ایران فٹ بال لیگ شروع کی جائے گی۔کورونا وائرس کی وجہ سے دنیا بھر میں کھیل سرگرمیاں ٹھپ پڑی ہوئی ہیں اور اس کا اثر ایران میں بھی پڑا ہے ۔روحانی نے کہا کہ فٹ بال لیگ رمضان کے مہینے کے بعد شروع کی جائے گی لیکن یہ ناظرین کے بغیر کھیلی جائے گی۔ انہوں نے کہا کہ ٹورنمنٹ کا انعقاد سخت ہیلتھ پروٹوکول پر عمل کرتے ہوئے کیا جائے گا۔ایران کے نائب وزیر صحت ایراز ہراچی نے بھی کہا ہے کہ ہم اس سیزن کو چھ ہفتے میں ختم کر سکتے ہیں اور ٹیم کو ٹورنمنٹ کی تیاریوں کے لئے تین ہفتے کا وقت لگے گا۔