ہانگژو۔ ہندوستانی مردوں کی ہاکی ٹیم نے جاری 19ویں ایشین گیمز 2022 میں اپنی اعلیٰ فارم کا مظاہرہ کرتے ہوئے اب تک تین کھیلوں میں تین جیت حاصل کی ہیں۔جہاں ہندوستان نے پول اے میچ میں ازبکستان کے خلاف 16-0 کی جیت کے ساتھ ایونٹ شروع کیا، وہیں کپتان ہرمن پریت سنگھ کی قیادت میں ٹیم نے سنگاپور کے خلاف 16-1 کی جیت کے ساتھ سلسلہ برقار رکھا۔ ہندوستان کو 2018 کے ایشیائی کھیلوں کے گولڈ میڈلسٹ جاپان کے خلاف مہم کے سب سے مشکل چیلنج کا سامنا کرنا پڑا اور وہ 4-2 سے جیت کر اپنی جیت کے سلسلے کو برقرار رکھا۔اب ہفتہ کو ہندوستان اپنے ہمسایہ حریف پاکستان سے ایک اہم مقابلے میں اترے گا اور اپنے ریکارڈ میں ایک اور جیت کا اضافہ کرنے کی امید رکھے گا۔ ہندوستان کی طرح پاکستان ٹیم بھی اچھی کارکردگی کا مظاہرہ کر رہی ہے، اس نے اب تک کھیلے گئے تینوں میچ جیتے ہیں۔ پاکستان نے اپنی مہم کا آغاز سنگاپورکے خلاف 11-0 سے جیت کرکیا اور پھر بنگلہ دیش کے خلاف 5-2 اور ازبکستان کے خلاف 18-2 سے جیت درج کی۔آنے والے میچ کے بارے میں بات کرتے ہوئے ہندوستانی کپتان ہرمن پریت سنگھ نے کہا کہ ٹیم نے ٹورنمنٹ میں اب تک کے اپنے میچوں سے قیمتی سبق سیکھا ہے، جو پاکستان کے خلاف کام آئے گا۔ ٹورنمنٹ میں اب تک ہمارے لیے یہ ایک اچھی شروعات رہی ہے، لیکن اب تک کا سب سے اہم پہلو یہ ہے کہ ہر حریف کے ساتھ ہم نے اپنے گیم کے بارے میں نئی چیزیں سیکھی ہیں اور اس بارے میں کہ ہم اپنے کھیل کو کیسے بہتر بنا سکتے ہیں۔ ہم ناقابل شکست رہے، جس سے ہمیں پاکستان کے خلاف اپنے کھیل میں جانے سے یہ اعتماد ملتا ہے کہ ہم اچھی حالت اور تال میں ہیں، اور اب یہ رفتارکو برقرار رکھنے اور اس سبق پر عمل درآمد کے بارے میں ہے جو ہم ہر روز سیکھ رہے ہیں۔ پاکستان بھی ٹورنمنٹ میں اب تک ناقابل شکست رہا ہے، اس نے اپنے پہلے میچ میں سنگاپور کو 11-0 سے شکست دی، اور پھر اپنے دوسرے میچ میں بنگلہ دیش کو 5-2 سے شکست دی۔ پاکستان نے جمعرات کو اپنے تیسرے پول اے کے میچ میں ازبکستان کو 18-2 سے شکست دی۔ ہرمن پریت نے پاکستان کے مقابلے سے قبل ڈریسنگ روم میں موڈ پر بھی کھل کرکہا کہ ٹیم ہانگژو میں اپنی جیت کا سلسلہ جاری رکھنے کے لیے بے تاب ہے۔ پاکستان کے خلاف جب بھی کوئی میچ ہوتا ہے تو ڈریسنگ روم میں ہمیشہ جوش و خروش ہوتا ہے۔ پاکستان کے پاس ایک ٹھوس ٹیم ہے جو واقعی میں اچھی کارکردگی کا مظاہرہ کر رہی ہے، اس لیے ہم جانتے ہیں کہ ہمیں بھی اس میدان میں رہنا ہے۔ جیت حاصل کرنے کے لیے ان کے خلاف ہماری پوری کوشش ہے۔ ہم اب تک کے نتائج سے متاثر ہیں اور ہم ٹورنمنٹ میں اپنی جیت کا سلسلہ برقرار رکھنے کے لیے بے چین ہیں۔دونوں ٹیمیں آخری بار اگست میں ہیرو ایشین چمپئنز ٹرافی چنئی 2023 میں پول میچ میں مدمقابل ہوئی تھیں، جہاں ہندوستان نے میچ 4-0 سے جیتا تھا۔ 2013 کے بعد سے، ہندوستان اور پاکستان 24 بار آمنے سامنے ہوئے، جس میں ہندوستان نے 16 بارکامیابی حاصل کی، جب کہ پاکستان نے 5 بار کامیابی حاصل کی اور تین میچ ڈرا پر ختم ہوئے۔
