بیجنگ: چین نے مغربی فوجی اتحاد ’’ناٹو‘‘ کے رہنما ژینس اسٹولٹن برگ کے چین کو عالمی امن کیلئے خطرہ قرار دینے کے بیان کی شدید الفاظ میں مذمت کی ہے۔عالمی خبر رساں ادارے کے مطابق چین نے مغربی دفاعی اتحاد ’’ناٹو‘‘ کو خطے میں نیا تنازع کھڑا کرنے سے خبردار کرتے ہوئے کہا ہے کہ ناٹوپالیسیوں کی وجہ سے پیدا ہونے والے منظم چیلنج کا مقابلہ اپنے مغربی اتحادیوں کے ساتھ مل کر کریں گے۔چین کے وزارت خارجہ کی جانب سے جاری بیان میں مغربی فوجی اتحاد ’’ناٹو‘‘ کے رہنما ژینس اسٹولٹن برگ کے چین کو عالمی امن کے لیے خطرہ قرار دینے کے بیان کی شدید الفاظ میں مذمت کرتے ہوئے ناٹوکو عقلیت پسندی سے کام لینے کا مشورہ دیا ہے۔چین نے ناٹورہنما کے تمام الزامات کو مسترد کرتے ہوئے کہا کہ چین نے کبھی جارحانہ عزائم نہیں رکھے اور نہ ہی وہ خطے میں جنگ کی خواہش رکھتا ہے بلکہ چین تمام ممالک کے ساتھ احترام کے ساتھ خوشگوار تعلقات چاہتا ہے۔
