کوہیما، 28 جنوری (سیاست ڈاٹ کام) ناگالینڈ کے صحت اور خاندانی فلاح و بہبود ڈائریکٹوریٹ نے کوروناوائرس سے بچنے کے لئے ایک ایڈوائزری جاری کر کے فوری طور پر ردعمل کرنے والی سبھی ٹیموں کو ہائی الرٹ پر رہنے کے لئے کہا ہے۔ کوروناوائرس چین سے پھیلا ہے اور یہ کچھ ہی دنوں میں ہندوستان کے پڑوسی ملک نیپال سمیت دنیا کے کئی ممالک میں پھیل گیا ہے ۔ڈائریکٹوریٹ کے مشن ڈائریکٹر ڈاکٹر کے وي شوسا میدکھرو کی جانب سے جاری ایڈوائزری میں اطلاع دی گئی ہے کہ کوروناوائرس سے عام زکام سے لے کر کئی سنگین بیماریاں ہوتی ہیں۔ یہ ایک نیا کوروناوائرس ہے اور اس سے قبل یہ کبھی انسانی جسم میں نہیں پایا گیا۔ ڈاکٹر میدکھرو نے فوری طور پر ردعمل کرنے والی سبھی ٹیموں سے کوروناوائرس کے پھیلاؤ کو روکنے کے لئے فوری طور پر وافر تیاریاں کرنے کے لئے کہا ہے ۔دیماپور ائرپورٹ اتھارٹی کو کوروناوائرس سے متاثر چین اور دیگر ملک سے یہاں آنے والے مسافروں کی فہرست کو صحت اور خاندانی فلاح و بہبود کے محکمہ کے ساتھ مشترک کرنے کے لئے بھی کہا گیا ہے۔ ڈاکٹر میدکھرو نے ہندوستانی ہوائی اڈے اتھارٹی (اے اے ای) کے ڈائریکٹر کو خط لکھ کر کہا ہے کہ دیماپور ڈسٹرکٹ ہیلتھ اتھارٹی ضلع نگرانی یونٹ کے ذریعے اے اے اي کے رابطے میں رہے گی۔ہندوستان میں کورونا وائرس کا خوف پیدا ہوگیا ہے ۔ کورونا وائرس سے چین میں 100 سے زیادہ افراد کی موت واقع ہوگئی ہے جبکہ دیگر ممالک بھی اس سے متاثر ہیں۔ کل چین سے وطن واپس ہوئی بہار کی ایک لڑکی کے بھی کورونا وائرس سے متاثر ہونے کی اطلاع ملی تھی۔ چین نے مہلک کورونا وائرس کی وجہ سے تاحال 100 سے زائد افراد فوت ہوچکے ہیں ۔ فی الوقت اس کا کوئی مؤثر علاج دریافت یا ایجاد نہیں ہوا ہے لہٰذا احتیاطی تدابیر اختیار کرنے پر زور دیا جارہا ہے۔
