کوہیما : ناگالینڈ کے وزیر اعلی نیفیو ریو نے جمعہ کو کہا کہ خواتین معاشرے میں اہم حصہ دار ہیں اور قانون سازی کے ذریعے موجودہ معاشرے میں خواتین کو مساوی نمائندگی دینے کی ضرورت ہے ۔نیشنلسٹ ڈیموکریٹک پروگریسو پارٹی ( این ڈی پی پی ) کے مغربی انگامی اسمبلی حلقہ کے امیدوار سلہوتونو کروز کے لیے انتخابی مہم کا آغاز کرتے ہوئے مسٹر ریو نے کہا کہ ناگالینڈ میں 27 فروری کو انتخابات ہوں گے اور این ڈی پی پی نے مغربی انگامی کے لیے سلہوتونو کروزے کو میدان میں اتارا ہے ۔ کوہیما ضلع کے تحت آنے والا انگامی اسمبلی حلقہ اور ضلع دیماپور کے تحت آنے والے اسمبلی حلقہ دیما پور-3 سے ہیکانی جاکھالو کو امیدوار بنایا ہے ۔ وزیراعلی نے امید ظاہر کی کہ اگر اس بار خواتین امیدوار جیتتی ہیں تو 14ویں ناگالینڈ اسمبلی بہت اہم ہوگی۔ انہوں نے کہا کہ این ڈی پی پی نے خواتین کو بااختیار بنانے اور صنفی مساوات کے تئیں اپنی وابستگی اور پالیسی کی وجہ سے دونوں خواتین کو پارٹی ٹکٹ دیا ہے ۔
