نئی دہلی، 15 اپریل (یو این آئی) وزیر اعظم نریندر مودی نے ہفتہ کو ترقی پسند صنفی پالیسیوں کو اپنانے کے لئے ناگالینڈ کے ونسوئی گاؤں کے لوگوں کی تعریف کی۔شمال مشرقی ریاست سے راجیہ سبھا کی رکن پارلیمنٹ ایس فانگنون کونیاک نے ایک ٹویٹ میں کہا کہ ونسوئی کی خواتین کوپہلی بار ناگاوں کے یوتھ ہوم مورنگ میں داخل ہونے اور لاگڈرم بجانے کی اجازت دی گئی۔ اب تک کی روایت میں کبھی بھی خواتین کو مورنگ میں قدم رکھنے کی اجازت نہیں تھی۔رکن پارلیمنٹ کے ٹویٹ کا جواب دیتے ہوئے ، وزیر اعظم نے ایک ٹویٹ میں کہا کہ یہ ایک بہت اہم قدم ہیجو خواتین کے احترام اور بااختیار بنانے کو فروغ دے گا۔کونیاک نے کہاٹ کہ ونسوئی گاؤں کے رہنماؤں کی اجتماعی کوشش کا شکریہ جنہوں نے سمجھا کہ خواتین بھی آج کے ترقی پسند معاشرے میں برابر کی رکن ہیں اور ونسوئی کی خواتین کو پہلی بار مورنگ میں داخل ہونے اور لاگڈرم بجانے کی اجازت دی۔
