حیدرآباد 20ستمبر(یواین آئی) تلنگانہ کے ناگرجناساگر پراجکٹ کے دروازے کھول کر ایک مرتبہ پھرپانی چھوڑا گیا ۔ بالائی علاقوں سے اس میں پانی کے شدید بہاو کے بعد ہفتہ کو 24دروازے کھول کر پانی چھوڑاگیا۔پراجکٹ میں دو لاکھ 53 ہزار 640کیوزک پانی کا بہاو درج کیاگیا جس کے بعد 24 دروازوں سے دو لاکھ 53 ہزار 640کیوزک پانی نچلے علاقوں میں چھوڑا گیا۔ پراجکٹ کی مکمل سطح آب 590 فیٹ کے برخلاف 586.90فیٹ درج کی گئی۔پراجکٹ کے مرکزی ہائیڈرو الیکٹرک اسٹیشن میں بجلی کی پیداوار مسلسل جاری ہے ۔ نیچے چھوڑے گئے پانی کے ذریعہ بجلی کی پیداوار میں اضافہ کیا جا رہا ہے ۔
