حیدرآباد 10 جولائی۔ ناگرجناساگر ڈیم میں بجلی کی پیداوار بجلی کی کمپنی تلنگانہ جینکو نے روک دی ہے ۔گذشتہ ماہ کی 29تاریخ سے ناگرجنا ساگر میں بجلی کی پیداوار کا کام کیاجارہا تھا۔11دنوں میں 30 ملین یونٹ بجلی کی پیداوار کیگئی ۔اس مسئلہ پر دو تلگوریاستوں تلنگانہ اور آندھراپردیش میں تنازعہ ہے ۔ پڑوسی آندھراپردیش نے اس پر کرشناربورڈ سے شکایت کرکے کہا تھا کہ اس پروجیکٹ میں کم پانی ہونے کے باوجود تلنگانہ حکومت بجلی پیدا کررہی ہے ۔اے پی نے اس سلسلہ میں مرکزی حکومت کو بھی مکتوب روانہ کیا تھاتاہم دوسری طرف تلنگانہ کا یہ ماننا ہے کہ قواعد کی مطابق تلنگانہ کی جانب سے بجلی کی پیداوار کا کام کیاجارہا ہے ۔تلنگانہ نے اے پی کے رائل سیما لفٹ اریگیشن پروجیکٹ کی تعمیر کو غیر قانونی قراردیتے ہوئے اس کو روکنے کا مطالبہ کیا۔