سینکڑوں ذمہ داروں کی شرکت ،صدرنشین وقف بورڈ سے اظہارتشکر
اگرکرنول۔27نومبر(سیاست ڈسٹرکٹ نیوز) ریاستی وقف بورڈتلنگانہ حیدرآباد کے زیر ِ اہتمام صدرنشین وقف بورڈ عظمت اللہ حسینی کی ہدایت پر مسجد معراج ناگرکرنول میں انتظامی کمیٹی مسجد معراج کے زیرا ہتمام ’’اُمیدپورٹل‘‘ورک شاپ کا انعقاد عمل میں لایاگیا۔ وقف بورڈ کے انچارج سپرنٹنڈنٹ یوسف ، جونیر اسسٹنٹ محمد ارشاد نے امید پورٹل میں وقف اراضیات کے اندراج کے طریقہ سے واقف کرواتے ہوئے پروگرام میں ضلع بھر سے سینکڑوں کی تعداد میں شرکت کرنے والے وقف اراضیات، مساجد ، مدارس، درگاہ، عاشورخانہ اور قبرستان کے متولیوں ،صدوراور ذمہ داراروںکی جانب سے اُمید پورٹل سے متعلق پوچھے جانے والے سوالات پر اطمینان بخش معلومات فراہم کیں۔ضلع ناگرکرنول کے اچم پیٹ، کولاپور، کلواکرتی اور ناگرکرنول و منڈل جات سے تقریباً200 افراد نے اس پروگرام میں شرکت کرتے ہوئے استفادہ کیا۔اس موقع پر شرکائے پروگرام نے صدرنشین وقف بورڈ کے عاجلانہ اقدام پر اظہار تشکر کیا۔اس موقع پر اعلان کیا گیا کہ محمد رحیم الدین (ایم آر انٹرنیٹ متصل مسجدمعراج)، محمد عقیل الدین(بیسٹ پرنٹر، متصل دفتر وقف کامپلکس)، محمد شاہد(می سیوا سنٹر، متصل ایس بی آئی)کے پاس جاکر مفت میں تفصیلات امیدپورٹل میں اندراج کرواسکتے ہیں۔ صدرنشین وقف کامپلکس مینیجنگ کمیٹی ناگرکرنول ناصر محی الدین نے کہا کہ ضلع بھر کے وقف اداروں کے ذمہ داران کی جانب سے اُمید پورٹل پر تفصیلات درج کروانے کے لئے انٹرنیٹ سنٹر پر اخراجات وقف کامپلکس ناگرکرنول کی جانب سے اداکئے جائیں گے۔وقف کامپلکس مینیجنگ کمیٹی ناگرکرنول کے خازن محمد انیس احمد خان ، رکن محمد محمود علی احمد، محاسب الحاج شیخ فرید احمد نے اس پروگرام کے انعقاد میں بڑھ چڑھ کر حصہ لیا۔پروگرام میں تربیت لینے والوں میں محمد رحیم الدین (ایم آرانٹرنیٹ)، محمد عقیل الدین(بیسٹ پرنٹر)،محمد شاہد(می سیوا سنٹر)، محمد مجاہد، محمد حذیفہ، محمد امتیازو دیگر شامل تھے۔
