حیدرآباد 26جو لائی (یواین آئی) تلنگانہ کے ضلع ناگرکرنول میں زلزلے کا ہلکا جھٹکا محسوس ہوا۔اس جھٹکے کی شدت ریکٹر اسکیل پر 4.0 ہوئی۔نیشنل سنٹرفار سسمولوجی نے اس زلزلے کی گہرائی زمین سے دس کیلومیٹر دور درج کی۔نیشنل جیو فزیکل ریسرچ انسٹی ٹیوٹ کے عہدیدارڈی سری ناگیش کے مطابق یہ جھٹکہ حیدرآباد سے تقریبا 156کیلومیٹر جنوب میں جنگلاتی علاقہ میں محسوس کیاگیا۔یہ علاقہ سری سیلم ڈیم سے تقریبا35کیلومیٹر جنوب میں واقع ہے ۔
