نئی دہلی 23اکتوبر (یو این آئی) وزارت دفاع نے مسلح افواج کو جدید ہتھیاروں سے لیس کر ان کی فائر پاور بڑھانے کے مقصد سے تقریباً 79 ہزار کروڑ روپے کے دفاعی خریداری معاہدوں کو منظوری دے دی ہے ۔ ان دفاعی سودوں میں بنیادی طور پر فوج کے لیے ناگ میزائل سسٹم، گراؤنڈ بیسڈ موبائل سسٹم، کرین اور ہائی موبلٹی وہیکلز کے خریداری تجاویز شامل ہیں۔ ان میں بحریہ کے لیے نیول سرفیس گن اور فضائیہ کے طویل فاصلے کے مشنز کے لیے اہم خریداری بھی شامل ہے ۔ وزیر دفاع راج ناتھ سنگھ کی زیر صدارت جمعرات کو ہوئی دفاعی خریداری کونسل کی میٹنگ میں تقریباً 79 ہزار کروڑ روپے کے یہ خریداری منصوبے منظور کئے گئے ۔
