بی جے پی نڈا کے ساتھ ریلیوں سے خطاب
نئی دہلی،2فروری(سیاست ڈاٹ کام)بہار کے وزیراعلی اور جنتا دل (یونائیٹیڈ)کے صدر نتیش کمار اتوار کو وزیر داخلہ امت شاہ اور بھارتیہ جنتا پارٹی (بی جے پی)کے صدر جے پی نڈا کے ساتھ قومی دارالحکومت میں دو انتخابی ریلیوں سے خطاب کریں گے ۔جنتادل(یو)،بی جے پی اور مرکزی وزیر رام ولاس پاسوان کی لوک جن شکتی پارٹی کے ساتھ اتحاد کرکے دو سیٹوں پر انتخابات لڑرہی ہے ۔یہ دونوں سیٹیں سنگم وہار اور براڑی کی ہیں۔دہلی میں جے ڈی یو کے ترجمان ستیہ پرکاش مشرا نے کہا،‘‘ہمارے قومی صدر نتیش کمار،بی جے پی صدر نڈا کے ساتھ شام چار بجے سنگم وہار میں ایک انتخابی ریلی سے خطاب کریں گے ۔’’مسٹر مشرا نے یہ بھی کہاکہ شام کو سات بج کر 45منٹ پر براڑی میں مسٹر شاہ اور مسٹر کمار مشترکہ طورپر ایک ریلی سے خطاب کریں گے ۔پرشانت کشور اور پون ورما کو جے ڈی یو سے نکالنے کے بعد یہ پہلی مشترکہ ریلی ہوگی۔پارٹی کے دوباغی لیڈروں نے شہریت ترمیمی قانون کے خلاف اپنی اٹھائی ہے ۔واضح رہے کہ دارالحکومت کے سنگم وہار اور براڑی میں بہار کے لوگوں کی اچھی تعداد ہے ۔