پٹنہ۔ 3 فروری (سیاست ڈاٹ کام) بہار میں اپوزیشن لیڈر تیجسوی یادو نے ریاستی چیف منسٹر نتیش کمار کو ان کے محبوب مرکزی وزیر داخلہ امیت شاہ کے ساتھ دہلی کے انتخابی کیلئے مہم کے دوران شہ نشین پر نظر آنے کے بعد شدید تنقید کا نشانہ بنایا ہے۔ آر جے ڈی کے لیڈر تیجسوی یادو نے کہا ہے کہ امیت شاہ کے ساتھ شہ نشین پر ان کی موجودگی نے سابق میں ان کے جھوٹ کے تمام ریکارڈس توڑ دیئے ہیں۔ تیجسوی یادو نے دہلی میں انتخابی اجلاس کے دوران کہا کہ نتیش کمار کا اپنے محبوب امیت شاہ کے ساتھ شہ نشین پر موجود ہونا جھوٹ کے نئے ریکارڈس ہیں۔ جے ڈی یو کے صدر نتیش کمار اور مرکزی وزیر داخلہ امیت شاہ نے اتوار کو دہلی کے علاقہ براری اور سنگم وہار کے حلقوں میں انتخابی مہم کے دوران شہ نشین پر نظر آئے۔ اس پر تنقید کرتے ہوئے تیجسوی یادو نے کہا کہ محترم نتیش کمار جی! آپ نے اپنے محبوب امیت شاہ کے ساتھ دہلی اسمبلی انتخابات میں شہ نشین کا استعمال کیا ہے جو آپ کے سیاسی مفادات کا ترجمان ہے۔ یادو نے مزید کہا کہ آپ نے ماضی کے اپنے تمام ریکارڈس توڑ دیئے ہیں جوکہ جھوٹ پر مبنی تھے۔ یادو نے مزید کہا کہ اگر آپ سمجھتے ہیں کہ دہلی میں انفراسٹرکچر ، تعلیم اور صحت کے شعبوں کی حالت بدترین ہے تو پھر آپ کو پہلے بہار کا جائزہ لینا چاہئے۔
