نیویارک۔ 13 جولائی ۔(سیاست ڈاٹ کام) رازداری کے معاملہ میں سوشل ویب سائٹ فیس بک کی جانب سے پرائیویسی(رزاداری) کی خلاف ورزی کے معاملہ پر امریکی حکام اور فیس بک کے درمیان تنازع کا تصفیہ ہوگیا۔فیڈرل ٹریڈ کمیشن نے ڈیل کے تحت فیس بک کے خلاف 5ارب ڈالر جرمانے کی منظوری دیدی۔ فیڈرل ٹریڈ کمیشن نے دو کے مقابلے میں تین ووٹوں سے فیس بک پر جرمانے کی منظوری دی جو صارفین کے ڈیٹا اور پرائیویسی کے تحفظ میں خامیوں پر عائد کیا گیا ہے ۔ تاہم ابھی امریکی محکمہ انصاف سے جرمانے کی منظوری کا مرحلہ باقی ہے۔اگر محکمہ انصاف نے منظوری دے دی تو امریکہ میں پرائیویسی کی خلاف ورزیوں پر عائد کیا گیا یہ سب سے بڑا جرمانہ ہوگا۔