واشنگٹن: امریکی خلائی ایجنسی ناسا کی جانب سے 5 دہائیوں بعد دو روز قبل چاند پر اترنے کیلئے بھیجا گیا مشن ناکام ہونے کے قریب ہے۔ امریکی کمپنی نے 8 جنوری کو آسٹرو بائیوٹک ٹیکنالوجی نامی کمپنی کے پیریگرین (Peregrine)لینڈر کو یونائیٹڈ لانچ الائنس کے والکن راکٹ کے ذریعے چاند کی جانب روانہ کیا تھا۔تاہم یہ لینڈنگ کامیاب نہ ہوسکی۔ لانچ ہونے کے فوری پر اسپیس کرافٹ کا ایندھن لیک ہونے لگا، جس کی وجہ سے خلائی جہاز کا زیادہ دیر تک خلا میں رہنا ممکن نہیں ہوگا۔
