24 جولائی آخری تاریخ ، ضلع انٹرمیڈیٹ ایجوکیشن آفیسر کا اعلامیہ جاری
نظام آباد :20؍ جولائی( سیاست ڈسٹرکٹ نیوز)ضلع نظام آباد کے مختلف سرکاری جونیئر کالجس میں لکچررس کی مخلوعہ جائیدادوں پر انٹرمیڈیٹ بورڈ کمشنر کے احکامات کے مطابق گیسٹ لکچررس کے تقررات کیلئے درخواستیں طلب کی جارہی ہے ۔ نظام آباد ضلع انٹرمیڈیٹ ایجوکیشن آفیسر ایل رگھو راج نے اعلامیہ جاری کرتے ہوئے بتایا کہ ضلع میں جملہ 58 لکچررس کی جائیدادوں پر تقررات کیلئے 24 ؍ جولائی تک درخواستیں داخل کی جاسکتی ہے ۔ ایسے امیدوار جو پوسٹ گریجویشن میں 50 فیصد نشانات رکھتے ہیں درخواست دینے کے اہل ہیں ۔ مخلوعہ جائیدادوں کی تفصیلات اس طرح ہے ۔ سرکاری جونیئر کالج نظام آباد گرلز میں زولوجی ، سیوکس ، ہسٹری ،اُردو میڈیم کیلئے انگلش، اُردو ، فزکس ، باٹنی ، زولوجی ، اکنامک ، ہسٹری شامل ہے۔ سرکاری جونیئر کالج نظام آباد بوائز میں ہندی ، ریاضی کے علاوہ اُردو میڈیم کیلئے فزکس ، زولوجی ، ووکیشنل ، اکائونٹس و ٹیکزیشن کیلئے درخواستیں مطلوب ہے ۔ سرکاری جونیئر کالج بھیمگل میں فزکس اور ریاضی کیلئے درخواستیں مطلوب ہے ۔ سرکاری جونیئر کالج بالکنڈہ کیلئے سیوکس ، فزکس ، کیمسٹری اور زولوجی کیلئے درخواستیں مطلوب ہے ۔ سرکاری جونیئر کالج آرمور گرلز کیلئے فزکس ، کامرس ، ہسٹری ، سیوکس اور ہندی کے علاوہ اُردو میڈیم کیلئے معاشیات اور سیوکس کیلئے درخواستیں مطلوب ہے۔ سرکاری جونیئر کالج درپلی کیلئے ہندی ، معاشیات اور سیوکس کیلئے درخواستیں مطلوب ہے ۔ سرکاری جونیئر کالج کوٹگیر اُردو میڈیم کیلئے سیوکس ، معاشیات ، فزکس ، کیمسٹری ، باٹنی اور زولوجی کیلئے درخواستیں مطلوب ہے ۔ سرکاری جونیئر کالج ڈچپلی میں ہندی گیسٹ لکچرر کیلئے درخواستیں مطلوب ہے ۔ سرکاری جونیئر کالج آرمور بوائز میں ریاضی ، کیمسٹری اور زولوجی کیلئے درخواستیں مطلوب ہے ۔ سرکاری جونیئر کالج موڑتاڑ میں کیمسٹری کیلئے درخواستیں مطلوب ہے ۔ سرکاری جونیئر کالج ورنی میں زولوجی اور معاشیات کیلئے درخواستیں مطلوب ہے ۔ سرکاری جونیئر کالج مدھو ملنچہ بودھن کیلئے ریاضی ، فزکس ، کیمسٹری ، زولوجی اور ہسٹری کیلئے درخواستیں مطلوب ہے ۔ سرکاری جونیئر کالج ماکلور میں کیمسٹری ، ووکیشنل میں کمپیوٹر اینڈ سائنس کیلئے درخواستیں مطلوب ہے ۔ سرکاری جونیئر کالج بودھن کیلئے کیمسٹری ، اکنامک ، ہسٹری ، سیوکس اور اُردو میڈیم کیلئے ریاضی ، اُردو ، کامرس کیلئے درخواستیں مطلوب ہے ۔ ان تمام مضامین کو پڑھانے کے لئے اہل امیدوار درخواستیں داخل کرسکتے ہیں 26؍ جولائی کو درخواستوں کی تنقیح کی جائے گی ۔ 27؍ جولائی کو منتخبہ امیدواروں کی فہرست جاری کی جائے گی ۔ 28؍ جولائی کو منتخبہ امیدواروں کو کالج الاٹمنٹ کیا جائیگا ۔ درخواستیں ضلع انٹرمیڈیٹ ایجوکیشن آفیسر کے دفتر واقع عقب قلعہ جونیئر کالج نظام آباد پر 24؍ جولائی شام 5 بجے تک داخل کرسکتے ہیں ۔ ۔گرلز جونیئر کالج بالکنڈہ اُردو میڈیم کیلئے تمام مضامین کیلئے گیسٹ لکچررس کی ضرورت ہے ۔ نوڈل آفیسر کاماریڈی محمد عبدالسلام کے فون نمبر 9866143782 پر ربط پیدا کرسکتے ہیں ۔