نظام کالج میں بی اے اردو داخلے ‘تیسرے مرحلے کا آغاز

حیدرآباد ۔ 21 ۔ جون : ( پریس نوٹ) : شعبہ اردو نظام کالج کے بموجب تعلیمی سال 2019-20 کے لیے گریجویشن بی اے میں داخلوں کے تیسرے مرحلے کا آغاز ہوچکا ہے ۔ اردو میڈیم اور انگلش میڈیم سے انٹر میڈیٹ کامیاب طلباء کے علاوہ Tos انٹر میڈیٹ سے کامیاب طلباء بی اے SUP گروپ جس میں سوشیالوجی ، ماڈرن لینگویج اردو کے علاوہ فارسی شامل ہیں داخلہ لے کر اعلیٰ تعلیم حاصل کرسکتے ہیں ۔ بی اے میں زبان دوم کے تحت اردو زبان کی سہولت بھی موجود ہے ۔ اس گروپ کے تحت کامیاب طلباء سیول سرویز ، گروپ I اور گروپ II کے علاوہ PG اور B.Ed وغیرہ کی تعلیم سے استفادہ کرتے ہوئے اپنے مستقبل کو سنوار سکتے ہیں ۔ داخلے آن لائن طریقے کار سے ہیں ۔ اس مرحلہ کی کونسلنگ 20 تا 25 جون مقرر ہے ۔ خاص زمرہ کے لیے سرٹیفیکٹ کی جانچ 25 جون کو یونیورسٹی کی تمام ہیلپ لائن سنٹر پر صبح 10 تا شام 5 بجے مقرر ہے ۔ اس مرحلہ کی کونسلنگ کے لیے منتخب طلباء کی لسٹ 29 جون کو ویب سائٹ پر شائع کی جائے گی ۔ متعلقہ کالجس میں رجوع ہونے کے لیے یکم جولائی تا 4 جولائی وقت مقرر ہے ۔ بی اے میں داخلے کے لیے 6000 روپئے فیس مقرر ہے ۔ ایسے طلباء جو BC(E) سرٹیفیکٹ رکھتے ہوں اور جن کے والدین کی آمدنی سالانہ ایک لاکھ سے زائد نہ ہو ایسے طلباء کے لیے صرف 100 روپئے فیس مقرر ہے ۔ امیدوار طلباء کو چاہئے کہ وہ تمام اصلی اسنادات اور اس کی دو عدد زیراکس کاپیاں ساتھ رکھے ۔ مزید معلومات کے لیے فون نمبرات 9866490418 ۔ 9866437890 پر ربط کرسکتے ہیں ۔