نظرانداز شدہ طبقہ کو بااختیار بنانے کانگریس کا وعدہ :راہول

   

بی جے پی توجہ ہٹانے کی سازش کرتی رہے گی، کانگریس تمام برادریوں کی ترقی کیلئے پابند عہد

نئی دہلی، 25 ستمبر (یواین آئی) کانگریس کے سابق صدر اور لوک سبھا میں قائد حزب اختلاف راہول گاندھی نے پارٹی کے ’’آتی پچھڑا نیائے سنکلپ پتر‘‘ کو اس پسماندہ طبقے کی ترقی کے لیے پارٹی کے عزم کا نتیجہ قرار دیا، جس سے بہار کی نچلی سطح کی سیاست پر اپنی گرفت مضبوط ہو رہی ہے ۔ انہوں نے کہا کہ پارٹی انتہائی پسماندہ طبقات کے ساتھ ناانصافی نہیں ہونے دے گی اور ان کی فلاح و بہبود کے لیے انتھک محنت کرے گی۔ بہار کی راجدھانی پٹنہ میں کانگریس کی اعلیٰ ترین پالیسی ساز باڈی، کانگریس ورکنگ کمیٹی کی توسیعی میٹنگ کے بعد پارٹی کے ’’اتی پچھڑا نیائے سنکلپ پتر‘‘ جاری کرنے کے ایک دن بعد راہول گاندھی نے جمعرات کو یہاں ایک سوشل میڈیا پوسٹ میں کہا کہ کانگریس انتہائی پسماندہ طبقات کے حقوق کو یقینی بنانے کے لیے پرعزم ہے ۔ انہوں نے کہا کہ پارٹی کا مقصد کمزوروں کو بااختیار بنانا ہے اور اسی وجہ سے یہ سنکلپ پتر جاری کیا گیا ہے ۔ اس سنکلپ پترا میں پارٹی نے جو وعدے کئے ہیں انہیں پورا کیا جائے گا۔ انہوں نے لکھا کہ اس سے کوئی فرق نہیں پڑتا ہے کہ بی جے پی کتنے ہی جھوٹ بولے اور توجہ ہٹانے کی سازش کرے ، ہم انتہائی پسماندہ، دلت، قبائلی، اقلیتی اور پسماندہ طبقوں کے مکمل حقوق کو یقینی بنانے کے لیے پرعزم ہیں۔ بہار میں انتہائی پسماندہ برادریوں کو مضبوط کرنے اور ان کی شمولیت کو بڑھانے کے لیے ، ہم نے ’اتی پچھڑا نیائے پتر‘ میں ٹھوس وعدے کیے ہیں۔راہول گاندھی نے ہر کمیونٹی کی ترقی کے لیے تعلیم کو ضروری قرار دیتے ہوئے کہاکہ تعلیم ان کمیونٹیز کے لیے ترقی کا سب سے بڑا ذریعہ ہے ۔ اس لیے اس علاقے میں ان کی رسائی کو بڑھانے کے لیے خصوصی قراردادیں ہیں۔ اب پرائیویٹ کالجوں اور یونیورسٹیوں میں ریزرویشن نافذ کیے جائیں گے ۔ پرائیویٹ اسکولوں میں ریزرو سیٹوں میں سے نصف درج فہرست ذاتوں، درج فہرست طبقات، او بی سی، اقتصادی طور پر کمزور طبقے کے بچوں کے لیے مقرر کیے جائیں گی۔ تقرریوں میں ’’مناسب امیدوار نہ ملنا‘‘ ختم ہو جائے گا، یہ صرف تعلیم کے بارے میں نہیں ہے ، بلکہ انتہائی پسماندہ برادریوں کے لیے برابری اور احترام کے لیے یہ حقیقی سماجی انصاف اور مساوی ترقی کی ضمانت ہے ۔