قاہرہ : مصر کے ایک یونیورسٹی ہاسپٹل میں عجیب و غریب واقعہ پیش آیا ہے جہاں ایک نرس نے خودکشی کی کوشش کرتے ہوئے بلند عمارت سے چھلانگ لگا دی۔ میڈیاکے مطابق شدید قسم کے نفسیاتی عوارض کی شکار نرس نے اتوار کو کَفر الشیخ یونیورسٹی ہاسپٹل کی چھٹی منزل سے چھلانک لگائی اور وہ نیچے موجود سکیورٹی گارڈ کے اوپر جا گری جس سے وہ شدید زخمی ہو گیا اور چند گھنٹے بعد دم توڑ گیا۔دوسری جانب نرس کا ہاسپٹل میں علاج جاری ہے۔مصر کی پبلک پراسکیوشن کی جانب سے واقعے کی تحقیقات کی جا رہی ہیں جبکہ موت کا شکار ہونے والے نوجوان کی تدفین کر دی گئی ہے۔
