لاہور: پاکستان مسلم لیگ ن کے صدر اور سابق وزیر اعظم میاں محمد نواز شریف کا لندن جانے کا امکان ہے ۔ اے آر وائی نیوز کے مطابق ذرائع کا کہنا ہے کہ نواز شریف لندن میں اپنے معالجین سے روٹین چیک اپ کرائیں گے ، ن لیگ کے قائد ستمبر کے اختتام یا اکتوبر کے پہلے ہفتے لندن روانہ ہوسکتے ہیں۔ ذرائع کے مطابق مسلم لیگ ن کے قائد لندن میں قیام کے دوران طبی معائنہ،صاحبزادوں کے ساتھ وقت گزاریں گے ، واضح رہے کہ میاں سابق وزیر اعظم 21 اکتوبر 2023 کو 4 سال بعد پاکستان واپس آئے تھے ۔ اس سے قبل اپنے ایک بیان میں مسلم لیگ ن کے قائد کا کہنا تھا کہ اب عوام کو ڈیفالٹ سے بچانا بھی ہمارا امتحان ہے ۔ انہوں نے کہا کہ مہنگے بجلی کے بل عوام کے لیے ناقابل برداشت ہیں، ن لیگ نے ہمیشہ مشکلات سے راستہ نکالا ہے ۔ انہوں نے کہا کہ پی ٹی آئی کی تباہی ملک میں مہنگائی اور مہنگے بل لائی تھی، ہم عوام سے عوام ریلیف کی توقع کرتے ہیں۔
