اسلام آباد ۔11 جون ( سیاست ڈاٹ کام)پاکستان کی احتساب عدالت نے سابق وزیرِ اعظم نواز شریف کی ناقابلِ ضمانت گرفتاری کا وارنٹ جاری کر دیا۔ توشہ خانہ کیس کی سماعت احتساب عدالت اسلام آباد میں جج سید اصغر علی نے کی۔ عدالت نے سابق وزیراعظم نواز شریف کی ناقابلِ ضمانت گرفتاری کا وارنٹ جاری کرتے ہوئے دفترِ خارجہ کو برطانیہ میں پاکستانی سفارت خانے کے ذریعہ وارنٹس کی تعمیل کا حکم بھی دیا جبکہ سابق صدر آصف علی زرداری کی آج حاضری سے استثنیٰ کی درخواست منظور کر لی گئی۔ سماعت کے دوران سابق وزیرِ اعظم اور پی پی پی رہنما یوسف رضا گیلانی پیش ہوئے ۔عدالت نے آصف زرداری کو بلاول ہاؤس کراچی کے پتہ پر دوبارہ طلبی کی نوٹس بھی جاری کی۔