جوہانسبرگ ۔ جنوبی افریقہ سے تعلق رکھنے والے نوبل انعام یافتہ آرچ بشپ ڈیسمنڈ ٹوٹو انتقال کر گئے۔ ملکی صدر سرل رامافوسا نے اس امر کی تصدیق کی ہے۔ ڈیسمنڈ ٹوٹو کی عمر 90 برس تھی۔ انہیں نسلی بنیادوں پر امتیاز کے خلاف آواز بلند کرنے کی وجہ سے نہ صرف اپنے ملک بلکہ عالمی سطح پر سراہا جاتا ہے۔ ٹوٹو فلسطینی علاقوں پر اسرائیلی قبضہ، موسمیاتی تبدیلیوں اور ہم جنس پرستوں کیلئے مساوی حقوق کیلئے آواز اٹھاتے آئے ہیں۔ انہیں سن 1984 میں نوبل امن انعام سے نوازا گیا تھا۔
