لکھنؤ: کانگریس جنرل سکریٹری و اترپردیش کی انچارج پرینکا گاندھی واڈرا نے سرکاری نوکریوں سے پہلے پانچ سال کنٹراکٹ پر رکھے جانے کی تجویز کی مخالفت کرتے ہوئے چہارشنبہ کو یوگی حکومت کی تنقید کی۔پرینکاواڈرا نے اپنے ٹوئٹ میں لکھا’واہ رے سرکار،پہلے تو نوکری ہی نہیں دو گے ۔ جس کو ملے گی اس کو 30-35 سے پہلے نہیں ملے گی۔ پھر اس پر 5سال بے عزتی والا کنٹراکٹ کی بندھوا مزدوری اور اب کئی جگہوں پر 50سال پر ہی ریٹائر منٹ کی اسکیم۔نوجوان سب سمجھ چکا ہے اپنا حق مانگنے وہ سڑکوں پر اتر چکا ہے ۔اپنے ٹوئٹ کے آخر میں انہوں نے لکھا’قومی یوم بے روزگار’۔اس سے پہلے منگل کو کانگریس لیڈر نے اپنے ٹوئٹ میں لکھا تھا ’’کنٹراکٹ ۔نوکریوں سے احترام جدا،پانچ سال کا کنٹراکٹ۔ نوجوان کی عدم تکریم قانون‘‘قابل احترام سپریم کورٹ نے پہلے بھی اس طرح کے قانون پر اپنا تلخ تبصرہ کیا ہے ۔ اس سسٹم کو لانے کا مقصد کیا ہے ۔ حکومت نوجوانوں کے درد پر مرہم نہ لگا کر درد بڑھانے کی اسکیم لا رہی ہے ۔نہیں چاہئے کنٹراکٹ۔قابل ذکر ہے کہ اترپردیش میں سرکاری نوکری میں پہلے پانچ سال کنٹراکٹ پر رکھے جانے کا منصوبہ بنارہی ہے ۔ حالانکہ اس ضمن میں ابھی تک کوئی تجویز نہیں لائی ہے لیکن اپوزیشن نے اس تجویز کے سلسلے میں حکومت کی گھیرا بندی تیز کردی ہے ۔کانگریس کے علاوہ سماج وادی پارٹی(ایس پی) اور پرگتی شیل سماج وادی پارٹی اس سلسلے میں کھل کر حکومت کے سامنے آگئی ہے ۔
