نئی دہلی نومبر ( سیاست ڈاٹ کام) کانگریس نے نوٹ بندی کے تین سال مکمل ہونے پر جمعہ کو ملک بھر میں مظاہرہ کرکے ریلیاں نکالیں اور کہا کہ وزیراعظم مودی کو اپنے اس ’تغلقی فرمان‘ کیلئے عوام سے معافی مانگنی چاہئے ۔کانگریس کارکنوںنے دہلی میں یوتھ کانگریس کے صدر شری نواس بی وی کی قیادت میں ریزرو بینک کے سامنے مظاہرہ کیا اور کہا کہ مودی کا یہ ’دہشت گردانہ‘ فیصلہ تھا اورانکے اس ’تغلقی فرمان‘ سے ملک کو نقصان ہوا اور کئی لوگوں کی جانیں گئیں۔انہوںنے کہا کہ مودی کو کم از کم ان لوگوں کے اہل خانہ سے معافی مانگنی چاہئے جنہوں نے اس فرمان کی وجہ اپنے لوگوں کو کھویا ہے ۔انہوں نے کہا کہ کانگریس کارکنان ملک بھر میں اس فیصلے کے خلاف مظاہرہ کررہے ہیں۔ کارکنان ریاستوں کی راجدھانی شہروں میں ریزرو بینک کی شاخیں ہیں وہاں بھی مظاہرہ کررہے ہیں۔
