’’بارش سے متعلق میرے بیان کو غلط انداز میں پیش کیا گیا‘‘
حیدرآباد : نو منتخب میئر حیدرآباد جی وجیہ لکشمی 22 فروری کو اپنی ذمہ داریوں کا جائزہ لیں گی ، ان کا پہلا بیان آئندہ پانچ سال تک گریٹر حیدرآباد میں بارش نہ ہو، میڈیا اور سوشیل میڈیا میں تنازعہ کا شکار ہوگیا ۔ ہر پلیٹ فارم پر شہریوں کی جانب سے انہیں تنقید کا نشانہ بنایا جارہا ہے ، جس کی میئر حیدرآباد نے وضاحت کرتے ہوئے کہا کہ وہ بارش کے خلاف نہیں ہے لیکن حالیہ سیلاب پر ردعمل کا اظہار کرتے ہوئے ایسی بارش نہ ہونے کا تذکرہ کیا تھا لیکن عوام کی جانب سے اس کو غلط انداز میں لیا جارہا ہے۔ جی ایچ ایم سی کے عہدیداروں کی جانب سے میئر کا نیا چیمبر ہیڈ آفس کے ساتویں منزل پر تیار کیا جارہا ہے۔ میئر جی وجیہ لکشمی کی خواہش کے مطابق چیمبر تیار کیا جارہا ہے ۔ میئر منتخب ہونے کے بعد سے جی وجیہ لکشمی نے جی ایچ ایم سی میں سرکاری کام کاج کا ابھی تک آغاز نہیں کیا ہے۔ تاہم انہوں نے نائب صدر جمہوریہ ایم وینکیا نائیڈو کے حیدرآباد پہنچنے پر بحیثیت فہرست سٹیزن حیدرآباد ایرپورٹ پہنچ کر نائب صدرجمہوریہ کا خیرمقدم کیا ہے ۔ میئر حیدرآباد نے کہا کہ بارش سے متعلق ان کے بیان کو میڈیا کی جانب سے غلط انداز میں تور مروڑ کر پیش کیا گیا ہے ۔ انہوں نے ایک وضاحت میں بتایا کہ 100 بعد جیسی بارش ہوئی تھی، اس طرح کی بارش نہ ہونے کی خواہش کی تھی مگر ہمیشہ کیلئے بارش نہ ہونے جیسا تاثر دیا گیا ہے جس سے وہ بھی حیرت زدہ ہوگئی ہیں۔