اسٹیپنکرٹ:نگورنو کاراباخ ریپبلک کی ایک نامعلوم تنظیم نے دارالحکومت اسٹیپنکرٹ میں 670 بم برآمد کیا ہے ۔ یہ اطلاع ہنگامی امدادی محکمہ کے سربراہ میخاک آرزو منیان نے ایک پریس کانفرنس میں دی۔ ایمرجنسی امدادی محکمہ کے سربراہ نے ایک پریس کانفرنس میں بتایا کہ ‘‘ہم نے شہر سے توپ میں استعمال ہونے والے بم کو برآمد کرکے انہیں ناکارہ کردیا ہے ’’۔خیال رہے کاراباخ میں کنٹیکٹ لائن پر ایک دوسرے پر الزام عائد کرتے ہوئے آرمینیا اور آذر بائیجان نے جنگ چھیڑ دی ا س جنگ میں فریقین نے ایک دوسرے پر بمباری کی ۔ کاراباخ نے اپنے دارالحکومت ، اسٹیپنکرٹ سمیت غیر تسلیم شدہ جمہوریہ کی پر امن بستیوں پر توپ خانے سے گولہ باری کی اطلاع دی تھی۔ آرمینیا نے جنگ شروع ہونے کے بعد مارشل لا اور پہلی بار انقرہ پر باکو کو عمومی تحریک دینے اور حمایت کرنے کا الزام عائد کیاتھا۔ اس کے بعد آذربائیجان نے بھی جزوی سرگرمیاں شروع کردی تھی۔روس،امریکہ اور فرانس نے کہا کہ فریقین لڑائی ختم کریں اور بغیر کسی پیشگی شرائط کے بات چیت کا آغاز کریں۔نگورونو کاراباخ میں ہونے والی جنگ پر ترکی نے کہا ہے کہ وہ آذربائیجان کو ہر طرح کی مدد فراہم کرے گا جس کی وہ درخواست کرے گا۔
