نہیں رک رہا ہے پارلیمنٹ کا ہنگامہ ،ہنگامہ کی وجہ سے لوک سبھا دوشنبہ تک ملتوی

اپوزیشن اراکین پارلیمنٹ کی ہنگامہ آرائی کی وجہ سے پارلیمنٹ کے پورے مانسون سیشن کا خدشہ بڑھتا جا رہا ہے۔ پیگاسس اسکینڈل اور زرعی قوانین کے معاملے پر اپوزیشن کے ہنگامے کی وجہ سے ایوان کی کارروائی مسلسل رکاوٹ بن رہی ہے پیگاسس معاملے پر پارلیمنٹ کے دونوں ایوانوں میں جاری تعطل کے درمیان ، کانگریس اور کئی دیگر اپوزیشن جماعتوں کے رہنماؤں نے جمعہ کو پارلیمنٹ ہاؤس کے ہال میں ملاقات کی اور آگے کی حکمت عملی کا فیصلہ کیا۔ ہنگامے کے درمیان ، ٹیکس قانون (ترمیمی) بل 2021 کو ایوان میں منظور کر لیا گیا۔دوسری طرف جب جمعہ کی صبح 11 بجے ایوان بالا یعنی راجیہ سبھا کی کارروائی شروع ہوئی تو ڈپٹی چیئرمین نے پہلوان روی داہیا کو مبارکباد دی جنہوں نے ٹوکیو اولمپکس میں چاندی کا تمغہ جیتا۔ جلد ہی اپوزیشن ارکان پارلیمنٹ نے ہنگامہ شروع کر دیا ، وہ پوسٹر اٹھائے ویل پر پہنچ گئے اور نعرے لگائے۔بعد میں ایوان بالا کی کارروائی بھی ملتوی کرنی پڑی۔