نئی دہلی، 12 اگست (یواین آئی) مرکزی وزیر خزانہ نرملا سیتا رمن نے منگل کو کہا کہ نئے انکم ٹیکس ایکٹ کو لاگو کرتے ہوئے ، اس کے التزامات پر ایک معلوماتی کتابچہ جاری کیا جائے گا تاکہ ٹیکس دہندگان، پیشہ ور افراد آسانی سے اس کے ساتھ کام کر سکیں۔شریمتی سیتا رمن انکم ٹیکس بل 2025 اور ٹیکسیشن لاء (ترمیمی) بل 2025 پر راجیہ سبھا میں بیک وقت ہونے والی بحث کا جواب دے رہی تھیں۔ انہوں نے کہا کہ نیا انکم ٹیکس بل تاریخی ہے ۔اپوزیشن اراکین کے واک آؤٹ کے درمیان اس بحث پر وزیر خزانہ کے جواب کے بعد، ایوان نے دونوں بلوں کو صوتی ووٹ سے منظور کر لیا اور انہیں لوک سبھا میں واپس کر دیا۔
