سڈنی۔ نویں نمبرکی نیدرلینڈز نے اتوارکو یہاں فیفا خواتین ورلڈ کپ میں انڈر ڈاگس جنوبی افریقہ کو 2-0 سے شکست دے کر کوارٹر فائنل میں رسائی حاصل کی۔ نیدرلینڈز جو 2019 میں رنر اپ تھا، اس نے سڈنی فٹ بال اسٹیڈیم میں40,000 شائقین کے سامنے ہر ہاف میں گول کیا۔ جنوبی افریقہ کے گول کیپر کیلن سوارٹ کی جانب سے تباہ کن غلطی کرنے کے بعد جِل رورڈ نے جلدی گول کیا اور لائنتھ بیرنسٹین نے 68ویں منٹ میں گول کیا۔ہالینڈ کا اگلا مقابلہ چھٹے نمبرکے اسپین سے ہوگا، جس نے ہفتے کے روز سوئٹزرلینڈ کو 5-1 سے ہراکر اپنے پہلے کوارٹر فائنل میں رسائی حاصل کی۔ وہ ڈینیل وین ڈی ڈونک کے بغیر ہوں گے، جنہوں نے ٹورنمنٹ کا اپنا دوسرا زردکارڈ برداشت کیا ہے اور ٹورنمنٹ کے قوانین کے تحت معطل کر دیا جائے گا۔جنوبی افریقہ، نیدرلینڈز کے مقابلے میں 45 درجے نیچے ہے، بڑے انڈر ڈاگ کے طور پر ٹورنمٹ داخل ہوا لیکن اس نے اپنا پہلا ورلڈ کپ گیم جیتنے کے لیے اٹلی کو 3-2 سے شکست دی ۔مقابلہ تیزی سے شروع کرنے والے نیدرلینڈز نے، اپنا ٹریڈ مارک اورنج کٹ پہن کر پہلا مو نکالا جب رورڈ نویں منٹ میں قریبی رینج سے گول کی طرف روانہ ہوئے۔یہ مانچسٹر سٹی کے مڈفیلڈرکا ٹورنمنٹ کا چوتھا گول تھا اور چھٹا موقع تھا جب ہالینڈ نے پہلے 20 منٹ میں گول کیا ۔اپنے پہلے ناک آؤٹ میچ میں جنوبی افریقہ مغلوب دکھائی دی اور گیند پر قبضہ حاصل کرنے کے لیے جدوجہد کر رہی تھی۔ ان کی پریشانی اس وقت بڑھ گئی جب فارورڈ جرمین سیوپوسینوی زخمی ہو ئیں حالانکہ وہ 10 منٹ تک کھیلتی رہیں جب تک کہ آخرکار متبادل نہیں بنایا گیا ، لیکن جنوبی افریقہ نے متاثرکن کارگزار کپتان تھیمبی کگاٹلانا کے ساتھ ہدف پر چار شاٹس لگا کر حریف کو خطرناک جواب دیا لیکن برابری کی اس کی کوششوں کو نیدرلینڈزکے گول کیپر ڈیفنی وین ڈومسیلار نے مسلسل ناکام بنادیا، جس نے کئی شاندار بچاؤکیے۔جنوبی افریقہ کو ایک بار پھر چوٹ کا سامنا کرنا پڑا جب بمبانانی ایمبانے ہاف ٹائم سے عین قبل اسٹریچر پر میدان سے باہر ہوئی۔ نیدرلینڈز نے سوچا کہ انہوں نے وقفہ کے فوراً بعد جب لائیک مارٹنز نے قریبی رینج سے گول کیا، لیکن وی اے آر ریویو پر اسے آف سائیڈ قراردیاگیا۔
