بوڈاپیسٹ۔ موجودہ اولمپک چمپئن نیرج چوپڑا نے اپنی عالمی ایتھلیٹکس چمپئن شپ مہم کا آغاز اس انداز میں کیا کہ انہوں نے مردوں کے جیولن تھرو فائنل کے لیے 88.77 میٹر کے بہترین سیزن کے ساتھ کوالیفائی کیا اور 2024 کے پیرس اولمپکس کے لیے کوالیفائی کر لیا۔88.77 میٹر کے سیزن کے بہترین فاصلہ میں چوپڑا نے پیرس اولمپک کوالیفکیشن نشانہ 85.50 میٹر کو عبور کرلیا ۔ ٹریک اینڈ فیلڈ ایتھلیٹس کے لیے پیرس 2024 اولمپکس کے لیے کوالیفکیشن کا آغاز یکمجولائی 2023 کو ہوا ہے ۔ہندوستانی قومی ریکارڈ ہولڈر نے کوالیفیکیشن گروپ اے میں مقابلہ کرتے ہوئے اپنی پہلی ہی کوشش میں اپنے سیزن کے اورکیریئر کے چوتھے بہترین فاصلے پر نیزہ پھینکا ۔جملہ 37 جیولن پھینکنے والے، جنہیں دوگروپوں میں تقسیم کیا گیا ہے ، یہ گروپ اے اوربی ہیں جو کہ اتوارکو مقررہ 12 رکنی فائنل میں جگہ کے لیے کوالیفائر میں حصہ لے رہے ہیں۔ خودکار کوالیفائنگ نشان 83.00 میٹر ہے۔وہ لوگ جو 83 میٹر پھینکتے ہیں یا گروپ اے اوربی دونوں سے ٹاپ 12 بہترین کارکردگی دکھانے والے اتوار کے فائنل کے لیے کوالیفائی کریں گے ۔ 25 سالہ نوجوان نے چمپئن شپ میں دنیا کے ٹاپ رینک والے جیولن پھینکنے والے کے طور پر حصہ لیا اور اپنی ذاتی میڈلس کی فہرست اور ملک دونوں کے لیے اس پرجوش گولڈ میڈل کی راہ ہموار کرلی ہے ۔ چوپڑا اوریگون میں 2022 کی عالمی چمپیئن شپ میں کسی بھی ایتھلیٹکس ڈسپلن میں پہلے ہندوستانی عالمی چمپئن بننے کے قریب پہنچ گئے تھے لیکن آخرکار انہیں گریناڈا کے اینڈرسن پیٹرس سے پیچھے رہ کر سلور میڈل پر اکتفا کرنا پڑا۔ایک اور ہندوستانی ڈی پی منو جنہوں نے اس سال بنکاک میں ایشین ایتھلیٹکس چمپئن شپ میں سلور جیتا، انہوں نے78.10 میٹر کے ساتھ آغازکیا اور 81.31 میٹر تھرو کے ساتھ گروپ اے میں تیسری چھلانگ لگانے کی اپنی دوسری کوشش میں بہتر مظاہرہ کیا۔ تاہم، ان کی اہلیت کی تصدیق گروپ بی کے اختتام کے بعد کی جائے گی، جہاں ایک اور ہندوستانی کشور جینا ایکشن میں ہوں گے۔
