حیدرآباد ۔ 10 ۔ اپریل : ( این ایس ایس ) : آئی ای آئی ، تلنگانہ اسٹیٹ سنٹر اور جیومیاپ سوسائٹی (GEMS) کی جانب سے مشترکہ طور پر ’ فوٹو گرامیٹرک سرویز ‘ تھیم کے ساتھ نیشنل سروے ڈے 2019 کا انعقاد عمل میں لایا گیا ۔ ڈاکٹر آئی وی مرلی کرشنا ، ڈائرکٹر ( آر اینڈ ڈی ) جے این ٹی یو ایچ حیدرآباد نے اس تقریب میں بحیثیت مہمان خصوصی شرکت کی اور ’ آرٹیفیشیل ‘ انٹلی جینس اینڈ سروئینگ ٹکنالوجی ‘ پر مخاطب کیا ۔ ڈاکٹر جی رامیشور راؤ ، چیرمین ، آئی ای آئی ، تلنگانہ اسٹیٹ سنٹر نے اس تقریب کی صدارت کی ۔ قبل ازیں ٹی انجیا ، اعزازی سکریٹری ، آئی ای آئی ، ٹی ایس سی نے شرکائے تقریب کا خیر مقدم کیا ۔ اس موقع پر مہمان خصوصی نے نیشنل سروے کوئز کے لیے انجینئرنگ کالجس کے طلبہ میں انعامات تقسیم کئے ۔ آخر میں ڈاکٹر ایم وی وینکٹیشور راؤ ، ممبر ، آئی ای آئی ایس سی نے شکریہ ادا کیا ۔۔
