جموں، 20 مارچ (سیاست ڈاٹ کام) وزیر اعظم دفتر میں وزیر مملکت ڈاکٹر جتیندر سنگھ کا کہنا ہے کہ نیشنل کانفرنس اور پی ڈی پی علاحدگی پسندوں سے بھی زیادہ خطرناک ہیں۔ بقول ان کے یہ جماعتیں مین اسٹریم سیاست کا چولا پہن کر علحدگی پسندی کی سیاست کرتی ہیں۔جتیندر سنگھ نے یہ باتیں ضلع کٹھوعہ میں بی جے پی کے ایک انتخابی پروگرام کے حاشیہ پر نامہ نگاروں سے گفتگو کرتے ہوئے کہیں۔ان کا کہنا تھا ‘کشمیر کی جو نام نہاد مین اسٹریم سیاسی جماعتیں ہیں، چاہیے وہ نیشنل کانفرنس ہے یا پی ڈی پی، وہ علاحدگی پسندوں سے بھی زیادہ خطرناک ہیں۔ مجھے یہ کہنے میں کوئی ہچکچاہٹ نہیں کہ علاحدگی پسندوں کی یہ شناخت ہے کہ وہ علحدگی پسند ہیں لیکن یہ (نیشنل کانفرنس اور پی ڈی پی) مین اسٹریم سیاست کا چولا پہنے ہوئے علحدگی پسندی کی سیاست کرتے ہیں۔
