چنئی ۔ جنوبی ہند سے تعلق رکھنے والی سوپر اسٹار اداکارہ نینتارا نے تامل اور ہندی فلموں کے معروف ہدایتکار منی رتنم اور اداکار، فلم ساز اور سیاستدان کمل ہاسن سے ان کی آئندہ فلم میں کام کے لیے 12 کروڑ معاوضہ طلب کرلیا۔ نینتارا ساوتھ کی فلم انڈسٹری کی سب سے زیادہ معاوضہ لینے والی اداکاراوں میں سے ایک ہیں۔ان دنوں وہ معروف پروڈیوسرز اور ہدایتکاروں کی پہلی ترجیحی بھی بن گئی ہیں۔ بنگلور سے تعلق رکھنے والی 38 سالہ نینتارا نے حال ہی میں بالی ووڈ کی بلاک بسٹر فلم جوان میں کام کر کے اپنے ہندی فلمی کیریئر کا آغازکیا۔اس فلم میں ان کے مد مقابل مرکزی کردار میں بالی ووڈ سوپر اسٹار شاہ رخ خان جبکہ فلم کے ہدایتکار ایٹلی کمارتھے۔ اب یہ خبر آئی ہے کہ کمل ہاسن اور فلم ساز منی رتنم کے اشتراک سے بننے والی فلم جس کا ممکنہ نام کے ایچ 234 ہوگا، اس فلم میں ہیروئن کے کردار کے لیے اداکارہ کے انتخاب کے معاملے پر فلم انڈسٹری میں خبریں گرم ہیں۔ تاہم یہ گمان کیا جارہا ہیکہ دونوں فلمساز نینتارا سے رابطے کی کوشش کررہے ہیں لیکن اس حوالے سے تازہ ترین اطلاعات یہ ہیں کہ نینتارا نے فلم میں کام کے لیے 12 کروڑ روپے معاوضہ طلب کرلیا ہے، یہ رقم اس سے دوکروڑ زیادہ ہے جو انہوں نے فلم جوان میں بطور معاوضہ لی تھی، تاہم ان اطلاعات کی ابھی تصدیق نہیں ہوسکی ہے۔
