واشنگٹن:ڈیمو کریٹک رْکن کانگریس نینسی پلوسی اتوار کو چوتھی مدت کے لیے ایک بار پھر ایوانِ نمائندگان کی اسپیکر منتخب ہو گئی ہیں۔ ایوان میں ڈیمو کریٹک پارٹی کو ری پبلکنز کے مقابلے میں معمولی برتری حاصل ہے اور ماہرین کے بقول بہت سے چیلنجز پیلوسی کے منتظر ہیں۔دوبارہ اسپیکر منتخب ہونے کے بعد نینسی پلوسی نے کہا ہے کہ ایک بار پھر اسپیکر منتخب ہونا اْن کے لیے اعزاز کی بات ہے۔کیلی فورنیا سے تعلق رکھنے والی ڈیمو کریٹک رہنما نینسی پلوسی نے اتوار کی دوپہر ووٹنگ کے دوران 216 ووٹ حاصل کیے جب کہ ری پبلکن رہنما کیون میکارتھی نے 209 ووٹ حاصل کیے۔دو ڈیمو کریٹک اراکین نے مخالف اْمیدوار جب کہ تین ڈیمو کریٹس نے ایوان میں موجود ہونے کے باوجود کسی اْمیدوار کے حق میں ووٹ نہیں دیا۔نینسی پلوسی 2003 سے ایوانِ نمائندگان میں ڈیمو کریٹک پارٹی کی نمائندگی کر رہی ہیں جب کہ وہ اسپیکر منتخب ہونے والی پہلی خاتون تھیں۔نومبر کے انتخابات میں کانگریس کی بعض نشستیں کھونے کے باوجود ڈیمو کریٹک پارٹی کو ایوانِ نمائندگان میں ری پبلکنز کے مقابلے میں معمولی برتری حاصل ہے۔چار سو پینتیس اراکین پر مشتمل ایوانِ نمائندگان میں ڈیمو کریٹس کے 222 جب کہ ری پبلکنز کے 211 اراکین ہیں۔ اسپیکر منتخب ہونے کے بعد پلوسی نے اپنے خطاب میں کہا کہ نئی کانگریس کو کورونا وبا اور معاشی بحران سے نبرد آزما ہونے کے لیے مل کر کام کرنا ہو گا۔اْں کا کہنا تھا کہ آج ہم جب حلف اْٹھا رہے ہیں تو ہمیں درپیش مشکلات اور چیلنجز ماضی کے مقابلے میں کہیں زیادہ ہیں۔”پلوسی کا کہنا تھا کہ معاشرے کے ہر طبقے کو اس وبا نے متاثر کیا ہے۔ ساڑھے تین لاکھ سے زائد امریکی ہلاک ہو گئے ہیں۔ دو کروڑ سے زائد افراد اس وبا سے متاثر ہوئے ہیں۔ لاکھوں لوگ بے روزگار ہو چکے ہیں۔
