واشنگٹن : امریکی حکّام نے بتایا ہے کہ اسپیکر نینسی پیلوسی کانگریس کے وفد کی قیادت کر رہی ہیں۔رپورٹ کے مطابق نینسی پیلوسی سنگاپور، ملائیشیا، جنوبی کوریا اور جاپان جائیں گی۔چائنیز دھمکی، نینسی پیلوسی کے دورہ تائیوان کیلئے امریکا نے فوجی پلان بنالیا۔حکّام کا کہنا ہے کہ انڈوپیسیفک خطے میں باہمی سلامتی،اقتصادی شراکت داری اور جمہوری حکمرانی پر تبادلہ خیال ہوگا۔امریکی حکّام کی جانب سے نینسی پیلوسی کے دورے میں تائیوان جانے کا ذکر نہیں کیا گیا ہے۔واضح رہے کہ چین نے امریکی اسپیکر کے ممکنہ دورہ تائیوان امریکہ کو سخت الفاظ میں خبردار کیا ہے۔چین تائیوان کو اپنے ملک کا حصّہ قرار دیتا ہے۔
