سیئول : نینسی پیلوسی نے جنوبی کوریا کے اپنے دورہ کے دوران آج بفر زون کا دورہ کیا۔ دورہ کے بعد پیلوسی نے اپنے بیان میں ہمراہی وفد کیلئے بفر زون کے دورے کا انتظام کرنے پر جنوبی کوریائی حکومت کا شکریہ ادا کیا اور کہا کہ ہمیں اپنے اتحادی ممالک کو مضبوط بنانے کی غرض سے ایک آزاد اور خود مختار ہند پیسیفک کا علاقہ ناگزیر بنانا ہوگا۔ امریکی ایوان نمائندگان کی اسپیکر نینسی پیلوسی اور ان کے وفد نے جنوبی کوریا اور شمالی کوریا کی سرحد پر واقع بفر زون کا دورہ کیا۔ واضح رہے کہ یکم اگست کو سنگاپور سے ایشیائی ممالک کے دوروں کا اغاز کرنے والی پیلوسی ملائیشیا کے بعد تائیوان پہنچ گئی تھیں۔
