ویلنگٹن،14مئی (سیاست ڈاٹ کام) نیوزی لینڈ میں پچھلے تین دن سے کورونا وائرس سے متاثر ایک بھی نیا معاملہ سامنے نہیں آیا ہے اور ملک میں اقتصادی سرگرمیوں کی شروعات کرنے کیلئے چہارشنبہ کی رات سے یہاں کا ویجیلینس لیول 2 ہوگیا ہے ۔وزارت صحت کی جانب سے جمعرات کو جاری بیان کے مطابق اسپتال میں کورونا سے متاثر دولوگوں کا ہی علاج چل رہا ہے اور آئی سی یو میں کوئی مریض نہیں ہے۔ نیوزی لینڈ میں کورونا انفیکشن کے 1497 معاملے سامنے آئے ہیں اور 21 لوگوں کی اب تک موت ہوچکی ہے جبکہ اس بیماری سے متاثر 1411 لوگ ٹھیک ہوچکے ہیں۔
