روٹ اور برنز کی سنچریوں کے باوجود میزبان ٹیم 106 رنز پیچھے
ہیملٹن۔ یکم ڈسمبر (سیاست ڈاٹ کام) نیوزی لینڈ کے خلاف دوسرے کرکٹ ٹسٹ کے تیسرے دن کے اختتام پر انگلینڈ نے 5 وکٹس پر 269 رنز اسکور کرلئے تھے۔ روری برنز اور جے روٹس کی سنچریوں کے باوجود انگلینڈ کی ٹیم میزبان نیوزی لینڈ کے پہلی اننگز کے اسکور 375 رنوں سے ابھی 106 رنز پیچھے ہے اور اس کے 5 وکٹس باقی ہیں۔ کپتان روٹ نے تیسرے دن کے اختتام پر 114 ناٹ آؤٹ رنز بنالئے تھے جبکہ برنز 101 رنوں کے اسکور پر رن آؤٹ ہوگئے۔ دونوں نے صبر آزما اننگز کھیلتے ہوئے ٹیم کے اسکور کو 5 وکٹس پر 269 رنوں تک پہنچانے میں اہم رول ادا کیا۔ بن اسٹروکس اور کراڈلی کے جلد آؤٹ ہونے کے بعد برنز اور روٹ نے ٹیم کو سہارا دیا۔ برنز کے روٹ ہونے کے بعد بن اسٹوک بھی 26 رنز پر آؤٹ ہوگئے جبکہ جیک کراولی اپنے پہلے ٹسٹ میں ایک رن بناکر آؤٹ ہوئے۔ اس کے بعد روٹ پر بھاری ذمہ داری آگئی۔ روٹ نے کچھ جارحانہ شاٹس کھیلتے ہوئے اپنی سنچری مکمل کی۔ ساؤتھی نے 63 رنز دے کر 2 کھلاڑیوں کو آؤٹ کیا جبکہ واگنر اور ماٹ ہنری کو فی کس ایک وکٹ ملا۔ نیوزی لینڈ کی ٹیم اچھے فام میں ہے جس نے پہلے ٹسٹ میں مہمان انگلینڈ کو ایک اننگز اور 65 رنوں سے شکست دی اور سیریز میں 1-0 سے آگے ہے۔
