بھوپال: مدھیہ پردیش کانگریس کے صدر کمل ناتھ نے جمعہ کو کہا کہ ان کی پارٹی ریاستی حکومت کی نیوٹریشن ڈائیٹ اسکیم میں مبینہ گھپلے کو ریاستی اسمبلی میں اٹھائے گی۔ اس کے ساتھ ہی انہوں نے اس گھوٹالے کے لیے وزیر اعلیٰ شیوراج سنگھ چوہان سے استعفیٰ کا مطالبہ کیا۔ کمل ناتھ نے کہا کہ کمپٹرولر اینڈ آڈیٹر جنرل نے اپنی رپورٹ میں بتایا ہے کہ سپلیمنٹری نیوٹریشن اسکیم میں کس طرح بدعنوانی ہوئی۔ چیف منسٹر شیوراج سنگھ چوہان کو اخلاقی بنیادوں پر استعفیٰ دینا چاہئے کیونکہ وہ خواتین اور بچوں کی بہبود کے محکمے کے سربراہ ہیں (جو اس اسکیم کو نافذ کررہا ہے) کانگریس لیڈر نے الزام لگایا، ’’اس بدعنوانی نے غریب بچوں کی غذائیت چھین لی ہے اور اس لیے وزیر اعلیٰ کو عہدے پر رہنے کا کوئی حق نہیں ہے۔‘‘ اس کا پردہ فاش بھی ہوا ہے، جس میں کھانے پینے کی اشیاء لانے کے لیے استعمال ہونے والی گاڑیوں کے رجسٹریشن نمبر بھی شامل ہیں۔ جیسے موٹر سائیکل، کاریں، آٹورکشا وغیرہ۔ انہوں نے کہا کہ سماج کا ہر طبقہ بی جے پی کے اس نظام سے دکھی ہے۔
