نیویارک 23 مارچ (سیاست ڈاٹ کام) نیویارک کے گورنر اینڈریو کیومو نے کہاکہ کورونا وائرس کے سبب شہر میں چار عارضی دواخانے قائم کئے جائیں گے۔ اُنھوں نے اتوار کو جیکب کے جاویٹس کنونشن سنٹر منہاٹن کے علاوہ اسٹیٹ یونیورسٹی آف نیویارک کے اسٹون بروکس کیمپس اور اولڈ ویسٹ بری کیمپس اور اولڈ ویسٹ بری کیمپس کو فہرست میں شامل کرنے کا اعلان کیا۔ کیومو نے کہاکہ ممکنہ عارضی مقامات کا پتہ چلانے کے لئے آرمی کور انجینئرس کے ساتھ کام کیا جارہا ہے۔ نیویارک امریکہ میں کورونا وائرس سے بدترین متاثرہ ریاست ہے۔
