نیویارک، 29 دسمبر (سیاست ڈاٹ کام) امریکہ کے نیویارک میں موسیس سٹی میں سناگاگ کے پاس ھنوکا جشن کے دوران ایک شخص نے چاقو سے حملہ کرکے پانچ افراد کو زخمی کر دیا۔ مقامی میڈیا نے اتوار کو یہ اطلاع دی ۔مقامی میڈیا کے مطابق ہتھیار لیے ہوئے حملہ آور ھسڈک ربی راٹن برگ شول کے گھر میں گھس گیا اور لوگوں پر چاقو سے حملہ کر دیا۔ لوگ اس سے بچنے کے لیے بھاگ کر ایک قریبی چرچ میں چلے گئے اور اندر سے دروازہ بند کر لیا اور چاقو بکف شخص کو بھگانے کی کوشش کی۔ہڈسن ویلی علاقے میں یہودیوں کی عوامی معاملات کی کونسل نے رپورٹ میں کہا کہ پانچ لوگوں کو کم از کم چھ بار چھرا مارا گیا ہے ۔کونسل نے ٹوئٹر پر مطلع کیا کہ اتوار کے روز مقامی وقت کے مطابق 0950 بجے موسیس سٹی میں فارشائے روڈ پر چاقو سے حملے کے واقعہ کی اطلاع ملی۔ تمام زخمیوں کو مقامی اسپتال میں منتقل کر دیا گیا ہے ۔واقعہ کی تحقیقات کی جا رہی ہے ۔
