زیر علا ج32افراد میں 13کی حالت تشویشناک‘ امدادی کا م جاری
نیو یارک : نیویارک شہر کے اپارٹمنٹ کی عمارت میں آگ لگنے سے 9 بچوں سمیت کم از کم 19 افراد ہلاک ہو گئے۔ میڈیاکے مطابق اتوار کے روز نیویارک کے علاقے برونکس کی19 منزلہ عمارت کی تیسری منزل پر آگ لگ گئی جس کے نتیجے میں اب تک 9 بچوں سمیت 19 افراد ہلاک ہوگئے۔ ترجمان نیویارک میئر کے مطابق آگ لگنے کی وجہ سے مجموعی طور پر 63 افراد زخمی ہوئے جن میں سے 32 کو ہاسپٹل منتقل کردیا گیا ہے جبکہ 13 افرادکی حالت تشویشناک ہے۔نیویارک کے فائر ڈپارٹمنٹ کے کمشنر نے عمارت میں لگنی والی آگ کو حیران کن قرار دے دیا جبکہ ان کا کہنا ہے کہ تقریباً200 فائر فائٹرز کو آگ بجھانے کے لیے بھیج دیا گیا ہے۔ ان کا کہنا تھا کہ ابتدائی تحقیقات سے معلوم ہوا ہے کہ آگ پورٹیبل ہیٹر کی وجہ سے لگی جو کمرے کو گرم رکھنے کے لیے استعمال کیا جارہا تھا۔واضح رہے کہ کچھ روز قبل بھی فلاڈیلفیا میں ایک عمارت میں آگ لگی تھی جس میں8 بچوں سمیت 12 افراد ہلاک ہو گئے تھے۔