نیویارک : امریکی حکومت نے ملک کے سب سے بڑے سرکاری خبر رساں ادارے وائس آف امریکہ کے ملازمین کو تنخواہ کے ساتھ رخصت پر بھیج دیا ہے۔ امریکہ کی دو خبر ایجنسیوں کی فنڈنگ بھی کم کر دی گئی ہے۔ اس سے پہلے صدر ٹرمپ نے ایک ایگزیکٹو آرڈر پر دستخط کیے تھے جس میں وائس آف امریکہ اور چھ دوسری سرکاری خبر ایجنسیوں کی فنڈنگ کم کرنے کا حکم دیا تھا۔ وائس آف امریکہ دنیا کی چالیس زبانوں میں نشریات پیش کرتا ہے۔
