نیو یارک:امریکہ کے صدر کی سرکاری رہائش گاہ و دفتر وائٹ ہائوس سے کوکین ملنے کی تحقیقات بند کردی گئی۔امریکی خفیہ ادارے سیکرٹ سروس کا کہنا ہے کہ فنگر پرنٹ، ڈی این اے اور ویڈیو فوٹیج کے جائزوں کے باوجود وائٹ ہائوس میں کوکین چھوڑنے والے شخص کی نشاندہی نہیں ہوسکی ہے۔اس سے قبل رواں ماہ وائٹ ہائوس کی ترجمان کیرین جین پیئر نے میڈیا سے گفتگو کرتے ہوئے کہا تھا کہ ہم ہر ایکشن لیں گے جو کہ مناسب اور قابل ضمانت ہو، سیکرٹ سروس اس معاملے کی تحقیقات کر رہی ہے۔