حیدرآباد ، 10 اگست (یو این آئی) آندھراپردیش کے ضلع گنٹور کے تاڑے پلی میں حکمران جماعت وائی ایس آرکانگریس کے نو تعمیر شدہ صدر دفتر کا پارٹی صدر و وزیراعلی وائی ایس جگن موہن ریڈی نے افتتاح کیا۔اس پروگرام میں کئی ارکان اسمبلی، ارکان کونسل، ایم پیز، وزرا نے شرکت کی۔آج سے مرکزی دفتر سے وائی ایس آرکانگریس کی سرگرمیاں شروع ہوگئی ہیں۔یہ عمارت تین منزلہ ہے ۔پہلی منزل پر پارٹی کی سرگرمیاں ہوں گی، دوسری منزل کو پارٹی کے ملحقہ سرگرمیوں کے لئے الاٹ کیا گیا ہے جبکہ تیسری منزل پر پارٹی صدر وائی ایس جگن موہن ریڈی، پارٹی کے اہم لیڈروجئے سائی ریڈی،پارٹی کی مرکزی کمیٹی کے ارکان کے لئے چیمبرس بنائے گئے ہیں۔