ممبئی۔ 22 اپریل (سیاست ڈاٹ کام) مہاراشٹر حکومت نے بدھ کے روز مرکزی جانچ بیورو (سی بی آئی) اور انفورسمنٹ ڈائرکٹوریٹ (ای ڈی) کو گھپلے کے ملزم ڈی ایچ ایف ایل گروپ کے پروموٹر کپل وادھون اور دھیرج وادھون کو حراست میں لینے کا حکم دیا۔ریاست کے وزیر داخلہ انل دیشمکھ نے فیس بک میں کہا کہ ‘‘وادھون کا ادارہ جاتی کوارنٹائن آج 22 اپریل کو ختم ہوجائے گا۔ منگل کو ہم نے مرکزی جانچ بیورو اور ای ڈی کو انہیں حراست میں لینے کے لئے لکھا ہے ’’۔مسٹر دیشمکھ نے کہا ‘‘وہ ہماری حراست میں محفوظ رہیں گے ۔ کسی کو بھی لندن بھاگنے کی اجازت نہیں دی جائے گی۔ جبکہ سی بی آئی ہم سے رابطہ کرے گی تو ہم انہیں آگے کی جانچ کے لئیے سونپ دیں گے ۔واضح رہے کہ وادوھن اور ان کے کنبے کے لوگوں کو لاک ڈاؤن کے دوران آتھ اپریل کو پنے کے کھنڈالہ پہاڑی مقام سے ستارا ضلع میں مہابلیشور پہاڑی مقامی جانے کی اجازت دینے کے بعد سیاسی ہلچلیں شروع ہوگئی تھیں۔ انہیں مہابلیشور میں 9 اپریل کو حراست میں لیا گیا تھا۔
