وارانسی۔ 27 ستمبر (یو این آئی) وارانسی کے مختلف تھانہ علاقوں میں حالیہ دنوں میں ایک مخصوص کمیونٹی کے بغیر اجازت جلوس نکالنے کے واقعات سامنے آئے ہیں۔ جمعہ کی شام چوک پولیس نے اس واقعہ کے سلسلے میں چار لوگوں کو گرفتار کیا۔ بغیر اجازت جلوس نکالنے والوں کی خصوصی نگرانی کی جا رہی ہے ۔ وارانسی پولیس ٹیم سوشل میڈیا پر گہری نظر رکھے ہوئے ہے ۔ پولیس کے مطابق تھانہ چوک کے علاقے دال منڈی میں بغیر اجازت جلوس نکالنے پر کارروائی کی گئی ہے ۔ چوک تھانے میں چار نامزد اور دس نامعلوم افراد کے خلاف معاملہ درج کیا گیا ہے ۔ سبھی کی شناخت کی جا رہی ہے ۔ جلوس کی وجہ سے ٹریفک میں خلل پڑا تھا۔ دوسری جانب لوہتا پولیس اسٹیشن میں بارہ نامعلوم افراد کے خلاف معاملہ درج کیا گیا ہے ۔ کوٹوا گاؤں میں کئی مقامات پر کچھ پوسٹر بھی لگائے گئے تھے ، جنہیں پولیس نے ہٹا دیا ہے ۔ ہندو تنظیم ہنومان سینا نے بھی چوک پولیس اسٹیشن میں شکایت درج کرائی ہے جس میں بغیر اجازت جلوس نکالنے اور مذہبی ماحول کو خراب کرنے کا الزام لگایا گیا ہے ۔
