حیدرآباد۔ والدہ سے مار پیٹ پر برہم بیٹے نے باپ پر حملہ کردیا اس حملہ میں باپ فوت ہوگیا۔ نریڈ میڈ پولیس حدود میں یہ واقعہ پیش آیا جہاں 55 سالہ کنڈایا اپنے بڑے بیٹے کرانتی کمار کے حملہ میں فوت ہوگیا۔ پولیس ذرائع کے مطابق کنڈایا اپنی بیوی بچوں کے ہمراہ رہتا تھا ۔ نشہ کی حالت میں گھر پہنچ کر اکثر وہ بیوی کنڈاماں سے جھگڑا کرتا تھا ۔ گزشتہ روز بھی وہ نشہ کی حالت میں تھا اس دورن اسٹیل کی وزنی شئے سے بیوی کو مارا جس سے خاتون زخمی ہوگئی اور اس کے چہرے سے خون بہنے لگا۔ والدہ کو زخمی دیکھ کر بیٹا باپ سے جھگڑنے لگا اور اس دوران باپ نے بیٹے کو مارا برہم بیٹے نے اسی اسٹیل کی شئے سے باپ کے سر، سینہ اور کندھے پر وار کردیا جس کے سبب وہ نیچے گرپڑا ۔ اس کے چھوٹے بیٹے نے باپ کو ہاسپٹل منتقل کیا جہاں ڈاکٹروں نے اسے مردہ قرار دیا۔ پولیس نریڈ میڈ مصروف تحقیقات ہے۔
